Cara Menolak Lamaran Kerjaan Seseorang (Javanesse Style)

Alkisah di sebuah perusahaan besar di kawasan Keprabon, tengah melakukan beberapa tes wawancara untuk "*tidak*" menerima calon karyawan baru, tentu saja salah satu prasyaratnya adalah harus berbahasa EJD (Ejaan Jawa yg nDaksempurna)..

Bagi yang tidak memahaminya nggih nyuwun sewu ...

Boso Jawi ...Meniko

G : Kowe nduwe omah opo ora.....?

A: dereng....
G : Wah kowe ora iso ketompo nang kene
A : Lho kok ngaten........?
G : Mengko kowe mesthi ngajukne utang nang perusahaan.  ..
A : Ah.. mboten kok, Sak janipun tiyang sepuh kulo niku sampun sugih.
G : Yo malah ora ketompo
A: Lho kok ngaten.....?
G : Mengko kowe kerjo mung nggo hiburan, nongkrang nongkrong ae.
G : Kowe nduwe motor opo ora....?
A : Mboten.   ....
G : Ora ketompo  ....
A : Lho kok mboten ketompo ?
G : Mengko kowe mesthi njaluk bantuan kredit.  ...
A : Sak janipun gadhah, ning tasih ten kampung, gampil mangke kulo beto ngriki.
G : Wah malah ra ketompo....
A : lho kok ngoten .........
G : Tempat parkire wis ra cukup...kebak banget.
G : Kowé wis lulus sarjana tenan.....?
A : sampun pak....

G : Ora ketompo, kéné iki golék sing SMA aé, luwih manutan lan bén mbayarémurah
A : Sak janipun kulo tasih badhe skripsi
G : Malah ora ketompo.....

A : Lho kados pundi to....?
G : Mengko kowé kerjo mung ngetik skripsi, lék wi s lulus mesti golék kerjo neng perusahaan liyo.

G : Kowé seneng guyon opo ora ?
A : Mboten pak, kulo serius nék nyambut gawé.
G: Ra ketompo.....
A : waa......kok ngoten?
G : Engko konco koncomu lan anak buahmu podho stress.
A : Sak jané nggih sekedhik sekedhik seneng guyon.
G: Malah ora ketompo.
A : Lho kok......
G: Engko kowé mung mbanyol ae gaweyanmu.......

G : Kowé mau mréné numpak opo ?
A : Nitih mobil ...
G : Kowé ora ketompo
A : Sebabipun ?
G : Saiki BBM mundhak terus, mengko kowé njaluk mundhak bayar terus
A : Wo, kulo wau namung mboncèng, kok ....
G : Tambah ora ketompo
A : Lho, lha kok ... ?
G : Mengko mung gawéné mboncéng mobil kantor. Ngrusuhi !
G : Anakmu akèh opo sithik ?
A : Kathah pak
G : Kowé ora ketompo
A : Sebabipun ?
G : Nyambut gawemu ora jenjem, mung mikir gawe uanaaaaaak terus
A: Lha wong namung anak adopsi, kok.

G : Tambah ora ketompo
A : Lho, lha kok ... ?
G : Gawé anak baé aras2en, opo manèh nyambut gawé

G : Kowé wis ngerti gawéyanmu durung ?
A : Dèrèng
G : Kowé ora ketompo
A : Sebabipun ?
G : Arep nyambut gawé kok ora ngerti gaweyané ?
A : Oo, nèk damelan niku mpun ngertos kok
G : Tambah ora ketompo
A : Lho, lha kok ... ?
G : Kowé rak mung arep keminter, to ?

G : Kowe ngerti kahanan kantor kéné durung
A : Dèrèng
G : Kowé ora ketompo
A : Sebabipun ?
G : Arep nyambut gawé kok ora ngerti kantoré ?
A : Wo, sekedhik2 mpun ngertos kok
G : Tambah ora ketompo
A : Lho, lha kok ... ?
G : Kowé senengané ngudhal-udhal wewadi kantor, to ?

G : Kowé kerep loro ?
A : Mboten
G : Kowé ora ketompo
A : Sebabipun ?
G : Mesthi kerep mbolos, wong arang2 gering
A : Wah, sakjanipun nggih asring
G : Tambah ora ketompo
A : Lho, lha kok ... ?
G : Kantor iki ora nompo karyawan penyakiten.

G : Kowé biso main Internét ?
A : mBoten
G : Kowé ora ketompo
A : Sebabipun ?
G : Perusahaan ora nompo BI (Buta Internet)
A : Wah, sakjanipun nggih saged
G : Tambah ora ketompo
A : Lho, lha kok ...
G : Mesthi ora bakal nyambut gawé, kakèhan dolanan Internet, to? Ngenték-entekké pulsa !


G : Kowe waras opo ora?
A : Lha, kulo nggih waras to Pak.
G : Ra ketompo.......
A : Kenging nopo .....?
G : Mengko kowe mesthi ora krasan neng kene.
A : Niku rumiyin Pak, sakmeniko sampun rodo edan.
G : Malah ra ketompo......
A : Pripun to niki....?
G : Mengko aku duwe saingan.........